Shehadeti në çastet e vdekjes

Ibën Kajimi, All-llahu e mëshiroftë, thotë:

Shehadeti apo fjala "La Ilahe Ila Allah" në çastet e vdekjes ka efekte të mëdha në shlyerjen e mëkateve, ngase është një dëshmi prej një robi i cili beson dhe e kupton realitetin e kësaj fjale. Epshet e tij kanë vdekur, është dobësuar shpirti i tij tiran, shpirti i tij është nënshtruar dhe dobësuar pas një degjenerimi dhe rebelizmi, është kthyer tek Allahu, subhanehu ve teala, pasi që ishte larguar, e në këto qaste dhe momente të vështira në agonitë e vdekjes u mënjanuan dëshirat për të mira të kësaj bote. Ndaj u paraqit para Krijuesit, Shpikësit dhe ndihmësit të saj në mënyrën e përsosur dhe më me shpresë për mëshirën e Allahut, subhanehu ve teala, ngase të gjitha shkaqet e shirkut mënjanohen dhe e kuptuan se të gjitha adhurimet kushtuar tjerëve janë të kota.

U larguan nga ai ato sfida dhe dëshira me të cilat ishte i preokupuar dhe i mblodhi të gjitha mundet dhe qëllimet dhe ishte i preokupuar si do të paraqitet para Allahut, subhanehu ve teala. Iu drejtua Allahut, subhanehu ve teala, me gjithë trupin e tij, me zemrën dhe shpirtin e tij, iu nënshtrua vetëm Allahut, subhanehu ve teala, u barazua e jashtmja dhe e brendshmja, dhe e shqiptoi fjalën "La Ilahe Ila Allah" me sinqeritet nga zemra pasi që zemra e tij u shmang nga mbështetja në tjetërkënd dhe kërkimi ndihmë prej dikujt tjetër pos Allahut, subhanehu ve teala.

Janë larguar të gjitha të mirat e kësaj bote nga zemra e tij dhe është afruar kthimi tek Krijuesi i tij, u shuk shkëndija e epsheve, u mbush zemra me dashuri ndaj Xhenetit, dhe u bë e dashur Dita e Gjykimit para syve të tij, kurse dynjaja dhe të mirat e kësaj bote i la pas shpine. Andaj kjo dëshmi ("shehadet") e sinqertë është vula dhe përfundimi i veprave të tij, e kjo fjalë e sinqertë e pastron prej mëkateve dhe e fut në Xhenet, ngase e takoi Allahun, subhanehu ve teala, me dëshminë e sinqertë dhe me fjalën "La Ilahe Ila Allah" dhe u përputhën e jashtmja me atë që ishte në zemër dhe, e fshehta dhe e dukshmja.

Po ta thoshte këtë fjalë në këtë mënyrë dhe në këtë gjendje në ditët kur ishte i shëndoshë, do të nevrikosej nga kjo botë dhe banorët e saj, e do të kthehej tek Allahu, subhanehu ve teala, do të gjente dashamirësi dhe ngrohtësi tek Allahu, subhanehu ve teala, e jo tek dikush tjetër.

Por kur ishte i shëndosh dëshmoi me zemër të mbushur me epshe dhe dashuri ndaj të mirave të kësaj bote dhe shpirt të mbushur me kërkimin e pozitës dhe të mbështeturit tek dikush tjetër. Por po ta thoshte këtë fjalë ashtu siç e thotë njeriu në çastet e vdekjes, do të kishte tjetër jetë e jo jetë shtazarake.

Më të vërtetë në krijimin e qiejve

 dhe të tokës, në ndërrimin e natës

 dhe të ditës, ka argumente të qarta

për njerëzit me mendje të shëndoshë. 

Ata të cilët përkujtojnë All-llahun

 kur janë në këmbë, kur janë ulur

 dhe kur janë shtrirë dhe me përkushtim

 meditojnë rreth krijimit të qiejve

 dhe të tokës ( duke thënë ) o Zoti ynë,

 Ti nuk e krijove këtë kot, i Lartësuar

qofsh ruana prej dënimit të zjarrit ! 

Suretu Ali `imran ( 190-191 )

Dërguar nga:

Feriz Bytyçi

Me emrin e All-llahut, Mëshiruesit, Mëshirëbërësit !
 

Mëso:
ESHHEDU EN LAILAHE IL-LALLAH
( Dëshmoj se nuk meriton të adhurohet askush tjetër përveç Allahut)
 
ESHHEDU ENNE MUAHMEDEN RESULULL-LLAH
(Dëshmoj se Muhamedi është i dërguar i Allahut)
***

1.  Ç'është Islami ?
 
Islam do të thotë dorëzim i plotë ndaj Allahut me teuhid dhe përulja me rrespektë ndaj Tij.
 

2.  Ç'është Imani ?

Imani është të besuarit me zemër, të shprehurit me gjuhë dhe të vepruarit me gjymtyrë.
 

3.  Cilat janë kushtet (shartet) e Islamit ?
 
Kushtet (shartet) themelore të Islamit janë pesë:
1. Dëshmia  La ilahe il-lallah Muhamedun Resulull-llah (Nuk meriton të adhurohet askush tjetër përveç Allahut dhe Muhamedi është i dërguari i Tij).
2. falja e namazit;
3. Dhënia e zekatit.
4. Agjërimi i ramazanit, dhe
5. Kryerja e haxhit.
 

4.  Cilat janë kushtet e imanit (besimit) !
 
Kushtet (shartet) themelore të Imanit janë gjashtë:
1. Besimi në Allahun (La ilahe il-lallah - Nuk meriton të adhurohet askush tjetër përveç Allahut);
2. Melaiket e Tij;
3. Librat e Tij.
4. Pejgamberet e Tij.
5. Ditën  e Gjykimit.
6. Besimi në Kaderin.
 

5.  Cilat janë shtyllat (ruknet) e teuhidit, dëshmisë "La ilahe il-lallah" ?
 
Ato janë dy: mohimi dhe pohimi.
 

6.  Cilat janë kushtet (shartet) e teuhidit, dëshmisë "La ilahe il-lallah" ?
 
Kushtet e dëshmisë janë tetë:
1. El-Ilmu–Dituria;
2. El-Jekin–Bindja e paluhatshme;
3. El-Kabul–Pranimi;
4. El-Inkijad–Nënshtrimi;
5. Es-Sidk–Vërtetësia;
6. El-Ihlas–Sinqeriteti;
7. El-Mehabe–Dashuria; dhe
8. Mohimi i Tagutit–Çdo gjë që adhurohet krahas Allahut.
 

7.  Teuhidi klasifikohet në disa lloje, cilat janë ato ?
 
Llojet e teuhidit janë tri:
1. Teuhidi Rububije (Njësimi i Allahut në zotërim). Besimi i prerë se Allahu është i vetmi Zot i çdo gjëje dhe Sunduesi i gjithçkaje. Ai është Krijuesi i vetëm, Rregulluesi dhe Komanduesi i Gjithësisë, vepron në të si të dojë.
2. Teuhidi Uluhije (Njësimi i Allahut në adhurim). Njësimi i Tij në adhurim është me përulje dhe bindje të plotë, duke mos i bërë askush shok Atij dhe duke mos iu drejtuar dikujt tjetër përveç Tij, sikurse namazi, agjërimi, zekati, haxhi, lutja, kurbani, mbështetja, frika, shpresa, dashuria.
3. Teuhidi Esma ues-Sifat (Njësimi i Allahut në emrat dhe cilësitë e Tij). Pra, besimi i plotë dhe i prerë se Allahu i Lartmadhëruar ka emra të bukur dhe cilësi të përsosura, është i shenjtëruar, i pastër nga të gjitha cilësitë e mangëta.
 

8.  Çka do të thotë ibadet (adhurim) ?
 
Adhurimi është  një term përmbledhës i të gjitha atyre që Allahu i do dhe është i kënaqur me to, qofshin këto fjalë apo vepra, të dukshme apo të padukshme.
 

9.  Cilat janë shtyllat (ruknet) e ibadetit ?
 
Shtyllat e adhurimit janë tri:
1. Dashuria;
2. Frika; dhe
3. Shpresa.
 

10.  Cilat janë kushtet (shartet) e pranimit të ibadetit ?
 
Kushtet e pranimit të adhurimit janë tri:
1. Besimi në Allahun;
2. Sinqeriteti; dhe
3. Pëlqimi i adhurimit me sunnetin.
 

***
Allahu i Lartësuar thotë:
"Atëherë, dije se nuk ka Zot (të adhuruar me të drejtë) tjetër përveç Allahut."
Muhamedi a.s. ka thënë:
"Kush thotë sinqerisht: La ilahe il Allah, hyn në xhenet." 


 
 
Përgatitur nga:
Ulvi Fejzullahu
 
 
Dërguar nga:
Feriz Bytyçi
Ju lutëm mos na harroni nga duatë
 

Punët që të fusin në Xhennet

1 ) Ruajtja e jetimëve

قال النبي صلى الله عليه و سلم: ' أنا و كافل اليتيم في الجنة هكذا, و أشار بالسبابة والوسطى , و فرج بينهما' رواه البخاري

Pejgamberi, paqja dhe shpëtimi i All-llahut qoftë mbi të, ka thënë: "Unë dhe kujdestari i jetimëve do të jemi nëXxhennet kështu", dhe bëri shenjë me gishtin e tij tregues dhe atë të mesëm dhe i ndau në mes tyre."

(Transmeton Buhariu)


2 ) Leximi i Ajetit Kursij pas përfundimit të çdo namazi farz

قال صلى الله عليه و سلم :' من قرأ آية الكرسي دبر كل صلاة مكتوبة, لم يمنعه من دخول الجنة إلا أن يموت ' رواه النسائي

Pejgamberi, paqja dhe shpëtimi i All-llahut qoftë mbi të, ka thënë: "Kush e lexon Ajetul Kursinë pas çdo namazi farz, nuk e pengon asgjë për të hyrë në Xhennet, përveç vdekjes !                                                                                                   (Transmeton Nesaiu)


3 ) Përmendja e All-llahut pas abdestit

قال صلى الله عليه و سلم:' ما منكم من أحد يتوضأ فيبلغ الوضوء ثم يقول: أشهد أن لا إله إلا الله وحده لا شريك له, و أشهد أن محمدا عبده و رسوله, إلا فتحت له أبواب الجنة الثمانية يدخل من أيها شاء' رواه مسلم

Pejgamberi, paqja dhe shpëtimi i All-llahut qoftë mbi të, ka thënë: "Kush prej jush merr abdest dhe e plotëson atë, pastaj thotë: "Dëshmoj se nuk ka të adhuruar tjetër përveç All-llahut Një, i vetëm dhe i pa shoq dhe dëshmoj se Muhamedi, paqja dhe shpëtimi i All-llahut qoftë mbi të, është rob dhe i Dërguar i Tij, i hapen atij tetë dyert e Xhennetit, që të hyjë prej cilës do."
(Transmeton Muslimi)


4 ) Falja e namazit të sabahut dhe të ikindisë

قال صلى الله عليه و سلم:' من صلى البردين دخل الجنة' رواه البخاري ومسلم

Pejgamberi, paqja dhe shpëtimi i All-llahut qoftë mbi të, ka thënë: "Kush e fal sabahun dhe ikindinë, hyn në Xhennet."
(Transmeton Buhariu dhe Muslimi)


5 ) Falja e pesë namazeve në kohën e tyre

قال صلى الله عليه و سلم:' من صلى الصلوات لوقتها, كان له عند الله عهد أن يدخله الجنة' رواه أحمد, و أبو داود, و النسائي

Pejgamberi, paqja dhe shpëtimi i All-llahut qoftë mbi të, ka thënë: "Kush i fal namazet në kohën e tyre, do të ketë tek All-llahu premtim (garanci) që ta fusë në Xhennet."
(Transmeton Imam Ahmedi, Ebu Davudi dhe Nesaiu)


6 ) Përhapja e selamit

قال صلى الله عليه و سلم:' لا تدخلوا الجنة حتى تؤمنوا, و لا تؤمنوا حتى تحابوا, ألا أدلكم على أمر إذا فعلتموه تحاببتم؟ أفشوا السلام بينكم' رواه مسلم

Pejgamberi, paqja dhe shpëtimi i All-llahut qoftë mbi të, ka thënë: "Nuk do të hyni në Xhennet derisa të besoni dhe nuk do të besoni derisa të mos duheni në mes jush. A nuk dëshironi t'ju udhëzoj në një gjë, nëse e bëni atë do të duheni në mes jush? Përhapni selamin (përshëndetjen) mes jush."
(Transmeton Muslimi)


7 ) Falja me përkushtim e dy rekateve pas abdestit

قال صلى الله عليه و سلم:' ما من مسلم يتوضأ فيحسن الوضوء ثم يقوم فيصلي ركعتين يقبل عليهما بقلبه و وجهه, إلا وجبت له الجنة' رواه مسلم

Pejgamberi, paqja dhe shpëtimi i All-llahut qoftë mbi të, ka thënë: "Çdo musliman i cili merr abdest dhe e plotëson atë, e pastaj ngrihet dhe i fal dy rekate me përkushtimin e zemrës dhe të fytyrës së tij, i bëhet obligim Xhenneti."
(Transmeton Muslimi)


8) Kërkimi i diturisë

قال صلى الله عليه و سلم:' من سلك طريقا يلتمس فيه علما, سهل الله له به طريقا إلى الجنة ' رواه مسلم

Pejgamberi, paqja dhe shpëtimi i All-llahut qoftë mbi të, ka thënë: "Kush niset në rrugë që të kërkojë dituri, All-llahu do t'ia lehtësojë me të rrugën për në Xhennet."
(Transmeton Muslimi)


9 ) Bamirësia ndaj prindërve

قال صلى الله عليه و سلم:' رغم أنفه, ثم رغم أنفه, ثم رغم أنفه, قيل: من يا رسول الله ؟ قال: من أدرك والديه عند الكبر أحدهما أو كليهما, ثم لم يدخل الجنة' رواه البخاري

Pejgamberi, paqja dhe shpëtimi i All-llahut qoftë mbi të, ka thënë: "I përbuzur është, i përbuzur është, i përbuzur është!" I kanë thënë: "Kush, o i Dërguar i All-llahut?" Ka thënë: "Ai që e arrin pleqërinë e njërit apo të dy prindve të tij dhe nuk hyn në Xhennet."
(Transmeton Muslimi)


 10 ) Ruajtja e gjuhës dhe e organit

قال صلى الله عليه و سلم:' من يضمن لي ما بين لحييه ما بين فرجيه, أضمن له الجنة' رواه البخاري

Pejgamberi, paqja dhe shpëtimi i All-llahut qoftë mbi të, ka thënë: "Kush më garanton (se do të ruajë) gjuhën dhe organin e tij, unë i garantoj atij Xhennetin."
(Transmeton Buhariu)


11 ) Përsëritja e ezanit pas muezinit

قال رسول الله صلى الله عليه وسلم:' إذا قال المؤذن: الله أكبر الله أكبر فقال أحدكم: الله أكبر الله أكبر...(ثم ذكر الأذان)...ثم قال: حي على الصلاة, فقال أحدكم: لا حول و لا قوة إلا بالله. ثم قال حي على الفلاح. فقال أحدكم: لا حول و لا قوة إلا بالله...ثم قال: لا إله إلا الله. قال: لا إله إلا الله خالصا من قلبه, دخل الجنة' رواه مسلم

I Dërguari i All-llahut ka thënë: "Nëse muezini thotë: "All-llahu Ekber, Al-lllahu Ekber", e dikush nga ju thotë: "All-llahu Ekber, All-llahu Ekber"…(pastaj ka përmendur ezanin)…, pastaj (muezini) thotë: "Hajje ales-salah", e dikush nga ju thotë: "La haule ee la kuvvete il-la bil-lah", pastaj (muezini) thotë: "Hajje alel fel-lah", e dikush nga ju thotë: "La haule ue la kuvvete il-la bil-lah"…e pastaj (muezini) thotë: "La ilahe il-lAllah", e përcjellësi thotë: "La ilahe il-lAllah" me zemër te sinqertë, do të hyjë në Xhennet."
(Transmeton Muslimi ) 

All-llahu ju shpërbleftë që e lëxuat

Ju lutëm dërgojeni edhe tek të tjerët