Pasiqë All-llahu i Madhëruar e zgjodhi Muhammedin sal-lall-llahu alejhi ve selem që të jetë vulë e Pejgamberëve, gjithashtu edhe feja në të cilën ishte ai- e ajo ishte Islami- është fe me të cilën është i kënaqur All-llahu dhe njëherit është edhe vulë e të gjitha feve.

Në te është udhëzimi,

në te është lumturia.

në te është çdo e mirë,

në te është shpëtimi.

Thotë All-lahu i Lartësuar: "Feja e vetme e pranuar tek All-llahu është Islami"(surteu Ali Imran 19) dhe thotë: " E kush kërkon fe tjetër pos Islamit, ajo nuk do t’i pranohet atij dhe ai në botën tjetër do të jetë prej të dëshpruarve."(suretu Ali Imran 85).

2)

Me fjalën "fe (din)" nënkuptojmë "rrugë dhe metodë". All-llahu i Lartësuar thotë: "Ai (All-llahu) është që dërgoi të dërguarin e Tij me udhëzim të drejtë e fe të vërtet, e për ta bërë që të dominojë mbi të gjitha fetë, edhepse e urrejtë këtë idhujtarët."(suretu et-Tevbe 33)

Feja është‎ praktikë jetësore e njeriut dhe metodologji e të menduarit të tij.

3)

All-llahu xhel-le shanuhu është Krijuesi jonë dhe njëherit Ai e din realitetin tonë.Thotë All-llahu i Madhëruar:

"... e di të tashmen që është pranë tyre dhe të ardhmen, nga ajo që dinë Ai të tjerët dijnë vetëm aq sa Ai ka dëshiruar..."(suretu el-Bekare 255), d.t.th.: Pasiqë All-llahu i Madhëruar është Krijues, atëherë ai është më i ditur për atë që është e mirë për neve dhe për atë që s’është e mirë për neve. Gjithashtu është më e ditur për atë që na bënë dëm dhe për atë që na bënë të palumtur.

4)

Prandaj feja jonë Islame është fe e cila përfshin në përgjithësi çdo çështje jetësore, është fe e cila nderon njeriun dhe e ngritë atë në shkallë të lartë. All-llahu i Lartësuar thotë: " Ne me të vërtet i nderuam pasardhësit e Ademit (njerëzit)"(suretu el-Isra 70), dhe: " Vërtet, Ne e krijuam njeriun në formën më të bukur."( surtetu et-Tinë 4).

Prandaj njeriu jeton në jetën e kësaj bote, ndërton në të dhe e udhëheq me atë që e ka krijuar All-llahu në të.E ai në jetën e tij kalon nëpër periodën e provimit, për t’u ditur se a do t’i nënshtrohet Zotit të tij dhe se a do t’i kryen urdhërat e Tij. All-llahu i Lartësuar thotë:

"Gjithçka që është në tokë në tokë Ne e bëmë stoli të saj, për t’i provuar ata, se cili prej tyre do të jetë më vepërmirë."(suretu el-Kehf 7).

5)

Kjo botë në të cilën ne jetojmë është vend ku ne në te i kryejmë urdhërat e All-llahut dhe në te largohemi nga ajo që Ai na ka ndaluar. Pas përfundimit të jetës sonë në këtë botë , ekziston edhe jeta në botën tjetër, prandaj ka prej atyre që shkojnë në xhennet dhe ka prej atyre që shkojnë në xhehennem.

Kush i është përgjegjur urdhërave të All-llahut, është larguar nga ajo që Ai ka ndaluar dhe i është nënshtruar Atij, ai do të jetë prej banorëve të xhennetit. E kush i ka kundërshtuar urdhërat e All-llahut të Lartësuar dhe nuk i është nënshtruar Atij , ai do të jetë prej banorëve të zjarrit.

6)

Feja jonë Islame përfshin çdo aspekt jetësor. Ajo nuk e ka lënë anash këtë botë, por përkundrazi i ka kushtuar rëndësi të madhe. Ka përcaktuar në te rregulla të cilat e përsosin jetën e kësaj bote dhe të banorëve të saj. All-llahu i Lartësuar thotë:" Dhe me atë që të ka dhënë All-llahu kërko (ta fitosh) botën tjetër , e mos le mangu atë që të takon nga kjo botë dhe bën mirë ashtu siç të ka bërë All-llahu ty, e mos bënë të këqia në tokë se All-llahu nuk i do çrregulluesit."(suretu el-Kasas 77).

7)

Feja jonë madhështore, Islami me veçoritë dhe specifikat që i ka, ka bërë që shumë prej pabesimtarëve dhe idhujtarëve të hyjnë në te dhe t’i përmbahen rregullave të saja, për këtë kjo është feja e vetme e vërtet. All-llahu i Lartësuar thotë:

" ... e Ai urdhëroi të mos adhuroni tjetër vetëm se Atë. Kjo është feja e drejtë..."(suretu Jusuf 40).

Ajo gjithashtu është fe e cila e ngritë njeriun në jetën e kësaj bote.Sa njerëz gjatë shekujve dhe viteve të shumta shijuan lumturinë dhe kënaqësinë me te, e sa të tjerë u dëshpruan dhe dështuan në kundërshtimin dhe moskryerjen e urdhërave dhe rregullave të saja.

Muslimanët ishin populli (bashkësia) më kualitativ, më i ngritur dhe më i lumtur përderisa iu përmbajtën fesë së tyre.

8)

Me termin "Islam" nënkuptojmë-nënshtrim, dorëzim, ndërsa me termin "musliman" nënkuptojmë atë që i është nënshtruar (dorëzuar) urdhërave të All-llahut dhe njëkohësishtëi zbaton ligjet e Tij.

9)

Me këtë fe All-llahu xhel-le shanuhu i nderoi të gjitha krijesat. Kjo është fe e plotë dhe rrugë e përsosur. Nuk ka mundësi askush, sadoqë ka dituri dhe njohuri që të gjejë mangësi në këtë fe madhështore, ngase All-llahu xhel-le shanuhu e ka plotësuar dhe e ka përsosur këtë fe.

All-llahu i Gjithëmëshirshëm në lidhje me këtë thotë në Librin e Tij Fisnik: " Sot përsosa për ju fenë tuaj, plotësova ndaj jush dhuntinë Time dhe jam i kënaqur që islami të jetë fe e juaja." (suretu Maide 3).

Falënderimi i qoftë All-llahut të Lartësuar për begatinë e Islamit.