Falënderimi i takon Allahut. Atë e falënderojmë dhe vetëm prej Tij ndihmë kërkojmë. Atë që e udhëzon Allahu, s’ka kush që e humb, e ai që e humb rrugën e vër­tetë, s’ka kush që e udhëzon përveç Allahut. Dëshmoj se nuk ka Zot tje­tër veç Allahut. Ai është Një dhe nuk ka shok. Dëshmoj se Muhammedi është rob dhe i Dër­guar i Tij.

Allahu i ka urdhëruar të gjithë besimtarët të bëjnë teu­be (pendim) kur tha: “Pendohuni të gjithë tek Allahu, o besimtarë, në mënyrë që të gjeni shpëtim.” (Nur: 31) Ai, ro­bërit i ndau në të penduar dhe mizorë, duke mos lënë vend për të tretin, andaj edhe tha: “E ata që nuk pendohen janë mizorë.” (Huxhurat: 11)